Ai khublei u Anurag Myntri Sorkar Pdeng, ia ki nongthoh khubor ha ka National Press Day

New Delhi, Naiwieng 16: U Myntri Sorkar Pdeng ba dei khmih ia ka tnat Information bad Broadcasting, u Anurag Singh Thakur u la ai khublei ia ki nongthoh khubor jong ka ri na ka bynta ka National Press Day mynta ka sngi. Ha ka jingkren sha ki nongthoh khubor.

U Myntri u la ong, “Ka Sorkar ka la peit bniah ia ka jingai jingtip ia ki nongshong shnong  ha ka rukom ba kin lah ban sngewthuh bad lyngba ki rynsan ba ki lah ban ioh pyndonkam – kum ki khubor ba mih ha ka TV, ka Radio, ka Social Media lane ka Online Digital Media.”

“Ka National Press Day ka dei ka sngi ba ngi dei ban peit ia ka bynta jong ki nongthoh khubor ha kaba iadei bad ka jingpyni ia ki kam kiba ktah ia ki briew jong ka ri. Ki nongthoh khubor ki dei kiba peitngor bad kumta ki don ka bynta kaba khraw ha ka synsharpaidbah kumba long ha ri India,” u la bynrap.

U Myntri u la kyntu ia baroh ban ialeh pyrshah ia ki khubor thok bad u la ong, “Ha kane ka sngi, nga kyntu ia ki nongthoh khubor ba kin ialeh katba lah ban tehlakam ia kine ki khubor thok bad ki jingiathuh kiba bakla. Ka Sorkar India ka la shim ia ki sienjam kum ka Fact Check Unit ha ka PIB, bad kane ka la iaid kam bha.”

U Myntri u la kyntu ruh ia ki nongthoh khubor ba kin iashim bynta ha ka kam ban thaw ia ka India kaba thymmai da kaba ong, “Katba ngi dang rakhe ia ka jingdap 75 snem ka jingioh jinglaitluid jong ka ri bad ngi peit sha kine ki 25 snem ban wan, to ngin iatrei lang ban pynurlong ia ki jingangnud jong baroh ki nongshong shnong jong ka India.”

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet