Shillong, Naitung 07: Ka Blood Bank jong ka NEIGRIHMS kala pynlong ia ka jingshim snam hapoh ka kynhun shipai Assam Riffle hapoh ka jaka ai jingsumar jong ka kynhun shipai Assam Riffle ha Laitkor .
Ha kane ka jingpylong ia kane ka jingshim snam, ki shipai kiba la wan da ka mon sngewbha ban ai ei iala ka jong ka snam ki la don haduh 109 ngut, na kine 102 ngut ki shynrang bad 7 ngut ki kynthei.
Na ka liang jong u Director jong ka NEIGRIHMS u la ai ka jingiaraoh ia u Director General jong ka kynhun shipai Assam Riffle u ba la lah ban pynlong ia kane ka jingai snam ei na ka bynta ban iarap ia ki para briew da kaba ai ia kane ka jingkyrshan.
