Shillong, Lber 02: U Dr W R Kharlukhi state president jong ka NPP Meghalaya State Unit u la ai khublei ia ki paidbah kiba la ai ka jingkyrshan ia ka party NPP ha kane ka MDC ilekshon ha kaba kila lah ban jop 12 ngut ki MDC ha JHADC bad 7 ngut hapoh jong ka KHADC.
Haba jubab ia ki jingkylli u Dr Kharlukhi u la ong ba ia ka EC hapoh kine ki ar tylli ki District Council kan thaw ka kynhun MDA kaba ia don lang ha ka sorkar, mano ban ialam ia ka EC ka dang kin dang ia kren hapoh ka MDA ynda la wan phai u myntri rangbah ka jylla u Conrad K Sangma la shai ka sngi bad u Dr Donkupar president ka UDP sha Shillong.
La ong ba kane ka MDC ilekshon sha ki ar tylli ki iing dorbar jong ki District Council kala long ka jingjop kaba khraw ia ka party bad ka jingkhublei ka leit sha ki paidbah kiba la pynjop ia ki kyrtong jong ka party NPP.
Haba jubab ia ka jingkylli ha kaba ia dei bad ka jingshah rem noh u CEM jong ka NPP hapoh JHADC, u Dr Kharlukhi u la ong ba ka dei ka rai jong ki paidbah ia kata yn nym lah ban ong ei ei, hynrei ki pdiang ia ka rai u paidbah.
