Shillong, Nohprah 21: Ban pynsuk ia ka leit ha wan jong ki paidbah ka dong shatei lam mih ngi jong ka Ri India, ka sorkar pdeng mynta ka sngi kala ai pisa shuh sa T.180 klur na ka bynta ban pynheh shuh shuh ia ka kad lieng suin Shillong Airport.
Da kane ka jingai pisa shuh ban pynheh ia kane ka kad lieng suin ka long ba lyngba ka sor Shillong yn lah ban pyniasoh bad kiwei ki jylla jong ka dong shatei lam mih ngi jong ka Ri India da ki lieng suin ia kaba la tip kum ki Air Bus sha ki jaka kum ka Silchar, Imphal, Aizawl and Agartala.
Lah ban pynkynmaw ba u myntri rangbah duh jong ka Ri India u Narendra Modi ha ka jingialang paidbah jong ka seng BJP kaba la long ha madan Polo ha ka 16 tarik mynta u bnai u la pynbna paidbah ba ka sorkar pdeng kan ai pisa sa T.180 klur ban pynheh ia ka kad liengsuin Shillong Airport kaba don ha Umroi.
Kane ka long katkum ka kyrwoh kaba la phah da u nongai ktien jong ka seng BJP u Basu Chakraborty.
