Shillong, Nailur 01: ka jingmih kynsan san tylli ki paia ha basa soh ha lynti ban hiar sa iew Mawlong ha ka step sngi Saitjain kala pynkyndit ia ki nongshong madan, Nongshong dukan bad ia ki nongleit iew leit hat namar katei ka jaka ka dei kaba rung na Iew mawlong sha basa soh bad ban hiar sha Iew Mawlong.
Haba kren ha ki lait pathai khubor u President jong ka seng HNYF ba dei jong ka Shillong Region u la ong ba u ba wan ban thung ia ki san tylli ki paia un nym lahb an seng leh ia kane ka kam hapoh Iewduh khlem ka jingtip ka ophis jong u Syiem ka hima Mylliem.
Na ka liang jong ka seng kan ai por ia ka ophis u Syiem ka Hima Mylliem naduh mynta ka jan miet 24 kynta ba ka not noh ia kitei ki narrot kiba la thung paia, lada ka ophis u syiem kam leh ei ei ka seng HNYF bad kiwei ki seng kin shim ia ka ain ha ka kti ban ot hi noh, ka Ophis u Syiem ka Hima Mylliem ka ei ban leh noh lashai ka sngi.
U bah Korbar Lyngdoh Nonglait Secretary jong ka seng Hynniewtrep Iewduh Association, u la ong ba kiba la shah ktah na kane ka jingthung ia kine ki san tylli ki paia ka long ia ki saw ngut ki nongdie madan bad kane kala ktah ruh ia ka lynti iaid jong ki paidbah namar ka dei lynti bah.
La iathuh ba na ka liang jong ka seng kala phone ia u Syiem jong ka Hima Mylliem bad ka jubab kaba kila ioh ka long ba um don jingtip ei ei ruh em ha kaba ia dei bad ka jingthung ia kita ki paia bad la ong ba na ka liang jong ka ophis kan sap hah wengnoh ia kitei ki paia.
Ki nongshong wai ha ki dukan kiba don ha katei ka jaka ruh kila pynpaw ia ka jingsngew wit namar ki long ha khmat jong ki dukan bad ki da pynpaw ia ka jingsngew pyrshah bad lada ka ophis u Syiem kim weng kin phah ot hi noh ia ki paia, kane ka juh ka jingeh la pynpaw da ki daju ba kit namar ka dei ka lynti bah bad ka don saw lat ha kane ka jaka.
