Ai por 7 sngi ka NCST ia ka Golf Club Delhi ban jubab ia ka jingujor ba niew bein ka kynthei na NE

New Delhi, Naitung  07: Ka National Commission for Scheduled Tribes (NCST) kala phah da ka jingthoh mynta ka sngi sha ka  Golf Club, Delhi halor ka jingshah kynnoh ba ka long kmie na North East kaba dei ka Schedule Tribe kala shah leh shiliang hapoh ka jaka jong katei ka club.  Na ka liang jong ka commission kala ai por ia ka club ba ka dei ban pynpoi ia ki jubab jong ka sha ka commission hapoh hynniew sngi.

Ka  Commission kala khot hajir ia katei ka club halor ka jingujor kaba la phah da ka chairperson jong ka Meghalaya State Commission for Women bad na ka Civil Society na  Assam. Ka  Commission kala shim ruh ia ka rai ban thohkit ha kaba ia dei bad kane ka jingjia hapoh ka  Article 338A jong ka riti synshar jong ka Ri India kumba la pynkub bor ha ka.

Lada ka commission kam ioh ia ka jubab katkum ka por ba la buh na ka club, ka commission kan pyndon kam ia ka bor jong ka hapoh ka kyndon kaba 8 jong ka Article 338A jong ka constitution ka commission ka lah ban pyndon kam ia ka bor hapoh jong ka Civil Court ba ka commission ka lah ban khot ia ki nongpyniaid jong ka club ba ki hap ban leit mih da u briew ne ka briew katkiba dei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet