Shillong, Lber 16: U myntri ba dei peit ia ka tnad pynroi sor u bah Sniawbhalang Dhar mynta ka sngi u la khot ia ka jingialang ban sngewthuh haduh katno kala iaid ka kam ha kaba ia dei bad ka jingthmu ban pynkynriah ia kiba shong ba sah ha Thewmetor.
Haba kren ha ki lat pathai khubor ha dien ka jingialang bad ki dkhot ka High Power Committee (HPC) u myntri la iathuh ba la ai por ba kin jubab ia ka “Blue Print” ha kaba ia dei bad ka jingpynpynriah ba kin jubab hapoh ka 10th Iaiong 2023.
Ka sorkar kan ap shuwa ia ka jubab bad ha dien katta kin sa sien ia ka rai kumno ban leh, haba ia dei bad ka jingdawa jong ki briew kiba shah ha Themetor ka ki dang neh ki juh bad na ka liang jong ka sorkar ruh kan bishar la ka jingdawa jong ki ka long kaba dei hok ne em.
Katkum ka jingkhien kaba don ha ophis kiba shong ha Themetor ki don 342 tylli ki long iing, ia kiba shong beain ka sorkar kam don jingtip ei ei ruh em, na ka liang jong u myntri u la kren shai ba ha man ki jingeh don ruh ka lynti ban weng ia ki jingeh.
U myntri u la iathuh ba na ka liang jong ka HPC kala pan por ban jubab ia ka “Blue Print” sa lai bnai hynrei ka sorkar kala bthah ba kin jubab noh hapoh ka 10th Iaiong 2023 namar ka sorkar kala dep ban ai bad la kyntu ba kin ai noh ia ka jubab ba ka sorkar ruh kan dup lah ban shim ia ka rai.
