Ai por  shitaiew u CEM jong ka KHADC ia ka Sorkar u Conrad ban ai jingmynjur ia ka ILP

Shillong, Kyllalyngkot 31: U Bah HS Shylla CEM jong ka KHADC ha ka jingkren ha ka jingialang paidbah ban pynpaw ia ka jingpyrshah ia ka Citizenship Amendment Bill 2016 jong ka sorkar pdeng, u la ong ba ka sorkar BJP hapoh ka jingialam jong u Narendra Modi kan pdiang beit ia kane ka Bill kane ka jingiohi ka jong u.

Na ka liang jong u CEM jong ka KHADC, u la ong ba mynta don kam ia ka jingiada bad ban leh ia kata dei ha ka kti jong u Cornad K Sangma bad u Dr Donkupar Roy president jong ka UDP, lada kin ear ngut ki mynta ka ILP ha ka jylla kaba la pdiang da ka iing dorbar jong ka KHADC kala trei kam ban khang ia ki nongwei ban wan buhai shnong sha kane ka jylla.

Ha kane ka jingialang paidbah u pa pynbna ba aipor ia kane ka sorkar MDA kaba la ialam da ka party NPP ba u Conrad K Sangma u long u myntri rangbah ka jylla ba u dei ban phah noh ia ki Bill kiba la pdiang da ka KHADC hapoh shitaiew ba kin long ain noh ban iada ia ka jaidbynriew, ka CAB ka dei ka jingpang bad ka ILP ka dei ka dawai ban pynkoit ia ka.

Ha kane ka sngi u la ong ruh ba kumba ka long mynta um don shuh ka jingshaniah ia kis eng sain pyrthei kiba la shet kylla ia ka jaidbynriew u la bethah ia ki seng bhalang ba kin sei ia u kyrtong MP ban ia khun khlem party namar ki seng sain pyrthei kim lah ban leh ei ei ha Delhi.

U la ther tyngeh ruh ia ki seng bhalang kiba pdiang ia ka ain Meghalaya Safety and Security Act kaba kham sniew ban ia ka CAB, ia kaba la shna da ka sorkar Congress bad kaba la pyntrei kam da kane ka sorkar NPP u la ong ba ia kane ka ain dei ban khylliap noh namar ka pynsuk ia ki briew ban wan rung sha kane ka jylla ym ban iada ia ka jaidbynriew. Ha kane ka jingialang paidbah u la pynbna ruh u ba u la mih noh na ka seng NPP naduh mynta ka sngi namar ba kane ka party kam trei na ka bynta ban iai da ia ka jaidbynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet