Ai shuwa ia ngi ia ka bainong ngin sa weng ia ka jingiakhih dawa ki ASHA na ka sorkar

Shillong, Risaw 31: Ka kong Sorilang Marbah President jong ka Meghalaya ASHA Workers Union (MAWU) kala ong ba ka sorkar ka dei ban siew shuwa ia ka bainong jong ki bad kin sa weng ia ka jingiakhih kaba khlem buh por kaba kila sdang naduh ka 20 tarik Nailur 2018.

Haba kren ha ki nongthoh khubor mynta ka sngi, ki nongialam jong ka seng MAWU, kila ong ba kila ai da ka jingthoh ruh sha umyntri ba dei peit ia ka koit ka khiah jong ka sorkar jylla ban pyntip sha u ba ki don ar tylli ki jaid skhim kaba ki khlem pat ioh ia ka bainong jong ki mynta la palat hynriew snem.

Kine ki ar tylli ki skhim ki long, ka Meghalaya Maternity Benefit  Scheme, bad ha kane ka don ar bynta, ia kiba kha khun ha iing na ka bynta I khun nyngkong ka nongkhai ka ioh T.2000/- tyngka bad ka Asha ka ioh T.500/- , ia kiba leit kha sha Hopsital pat ka nongliet kha ka dei ban ioh T.4000/- tyngka bad ka Asha ka dei ban ioh T.1000 /- tyngka. kane ka pisa kim pat ioh naduh u snem 2012 haduh mynta.

Kawei pat ka skhim kaba ktah ia baroh ki 7000 tam kiba trei Asha ha kane ka jylla ka long ka Asha Benefit Scheme ia kaba ki khlem ioh ia kane ka pisa naduh u snem 2014 haduh mynta. Ha ka 27 tarik u Nailar 2018 ka seng kala ia kynduh bad ki bor sorkar bad kila kular ban siew ia kane ka pisa hynrei haduh mynta kim pat ioh.

Haba kum ka seng ka leit ban ia kynduh u Diretor jong ka tand ka koit ka khiah, ha ka jingiakren la shem ba na ka liang jong ka DHS ka khlem phah ia ka jingpan pisa na ka sorkar. Dei halor kane ka nongrim ba ka seng ka ieng ba lada ka sorkar kam siew ia ka bainong jong ki kin mym treh ban trei.

Da kane ka jingiakhih ka jong ki kala ktah shibun ia ka jingpyndih dawai ia ka MR Rubela ha kine ki sngi, na ka liang jong ka tnad ka koit ka khiah ka kyntu ia ki ba kin ia treilang hynrei kim treh namar ba kim lah ban trei khlem ka jingsiew.

Kane ka jingiakhih jong ki nongtrei Asha kala ktah shibun ia ka tnad ka koit ka khiah namar dei lyngba jong ki ba ka tnad ka koit ka khiah ka ioh ia ki jingtip ia kaei kaba dei ha ki shnong ki thaw ha kaba ia dei bad ka jingdon jong ki khyllung khynnah bad ia ka jinglong ha ka koit ka khiah ha ki shnong ki thaw.

What Next?

Recent Articles

Leave a Reply

Submit Comment

*