image description
Shillong, Nailur 12: Ka seng Hynñiewtrep Integrated Territorial Organization (H.I.T.O) Ri Bhoi District kala phah da ka jignthoh sha ka Deputy Commissioner ban kyntu ba dei ban plie noh ia ki iew hapoh ka District.
Kum ka seng ka da kyrpad ia ki bor jong ka District Administration ba kin ai lat noh ban plie ia ki iew hapoh ka District khnang ba ki nongrep ki lah ban die ia ki marrep jong ki kumba juh long ban kyntiew biang ia ka ioh ia ka kot hapoh ka District.
Ki iew kiba ka HITO kala kwah ba ki bor jong ka District Administration kin plie noh kum ka iew bhoi Umsning, Mawhati, umroi, Byrni, Nongpoh bad Umden, ka jingkhang sah kam don jingmut namar ia ki iew surok la shah ban plie kam don jingmut shuh ban khang ia ki.
Kumba ka long ha Shillong, ia ka Iewduh bad Police Bazar la plie, na ka liang jong u Myntri Langstieh jong ka Hima Mylliem la ong ba tang shi ioh ia ka jingbit na ka sorkar kin plie noh, kumta ka HITO ka kyntu ia ka DC jong ka Ri Bhoi ba kan ai jingbit noh ban plie ia ki Iew ha Ri Bhoi, ia ka shithi la soi da u bah Ban Kharnaior President bad bah Kenny Nongrum District Secretary.
