Aiti ka KSU ia ka iing ha dien ba la dep ban pynshna sha ka kong Phlaris ha Laitkroh

Shillong, Jylliew 13: Ka Khasi Students’ Union, South Khasi Hills District Unit, mynta ka sngi  ka la ioh ban aiti noh ia ka iing sha i Kong Phlaris Nongkhlaw hapoh ka dong Lummawkong jong ka Shnong Laitkroh.

Ha kane ka sngi lah ioh ban aiti ia katei ka iing da u Samla Donald V. Thabah, Generel Secretary ka KSU CEC u ba long u Kongsan ha ryngkat ka jingiadon lang jong u Samla Badonkupar Nongbri u ba long u peit ia ka KSU South Khasi Hills District Unit, Samla Edmund Khongsya General Secretary, Samla Richest Malngiang Vice President, Samla Denis Bnai Lamin Finance Secretary bad kiwei pat ki nongialam jong KSU South Khasi Hills District Unit.

U Samla Donald Thabah haba ai jingkren ha kane ka sngi, u lah pynpaw ia ka jingsngew bynñiaw ba wat hadien ba ka jylla ka lah dap pura 50 snem ha ka jingioh jylla ba pura ka jongka hynrei ki trai ri trai muluk ki dang bun ki ba sem shilliang kup shilliang, ka jing shah ban ha ka jingduk.

U samla Donald la ong ba ka jingbym biang ki lad kamai kajih bad ka jinghiar ha ka ioh ka kot . Katba ka Sorkar Jylla naduh kaba mynshuwa haduh ka ba mynta ka kloi ban pynbiang ia ki Shnongwir ki Shongthap, ki poi ei ki poi hap bad phai da ka khmat kaba matlah bad leh meinah ki trai jylla.

Shuh shuh u lah pynpaw ba ka Seng kam lah ban shu peit tang ki khmat ia la ki paradoh para snam ki ba shah lynshop ha kum kine ki jingshem, ka seng ba wat hapdeng ka jingtlot ki tyrpeng jong ki dkhot jongka, ka la lah ban tynrong lem ia kane ka jingkhia ki para doh para snam da ki kam nong samaria ba bha ki jongka.

Ka seng kam lah ruh ban pynpaw iaka jingsngewnguh ia ki ba lah noh syñiang ha ka jingtei ka jongka ia kane ka Iing lyngba ka bormet bad ka jingsynñiang ka jongki lyngba ki tiar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet