Shillong, Jymmang 06: Ka kynhun ba la lam khmat da u Paiem Dr Balajied S Syiem, Syiem Hima Khyrim, ha ryngkat u Bah P Lyngdoh Pyngrope, Lyngdoh Raid Nongkrem bad u Bah Jo
hn F Kharshiing, Adviser bad Spokesperson, Federation of Khasi States.
Kila leit ban ia kynduh ia u Myntri Rangbah ka jylla u Conrad K Sangma, ha kaba u Paiem Dr Balajied S Syiem, Syiem Khyrim u la ai u synniang tyngka shi lak na ka liang ka Hima Khyrim sha ka Chief Ministers Relief Fund (CMRF).
Kane ka long halor ka jingkyntu u Chief Minister ia baroh ban ia synniang kat kaba lah kum shibynta ban ia leh ia kane ka thma pyrshah ka khlam covid19.
Kum ban shu pynkynmaw ba kham mynshwa u synniang na ka Hima Nongstoin la ai shilak, na ka Hima Mylliem la ai shi lak bad na Hima Nongkhlaw sanphew hajar kum shibynta ban ia snoh kti lang ha kane ka thma pyrshah ia ka khlam covid19.
