Shillong, Jymmang 30: ka jingshna pynheh ia ka surok na Itshyrwat ka kut noh ha Umtyngkhun bad kane ka jingbym bteng biang ban shna pynheh ia ka surok ban mih sha Shillong bye pass kala pynsah nud ia ki ba bun balang ba ka sorkar ka dei ban bteng pynneh ia kane ka surok ban mih sha Shillng Bye Pass.
Ka PWD kala dep ban shna pynheh ia ka surok naduh Itshyrwat sha duh Umtyngkhun hynrei da poi ha kane ka jaka kila sangeh noh bad ki paidbah jong ki saw tylli ki shnong ka Umtyngkhun, Mawiong, Diengpassoh, Sohlaper ki kwah ban ka PWD ka shna pynneh ia kane ka surok ban mih sha Shillong Bye Pass.
Ka jingsangeh noh ka PWD ban shna pynneh ia ka surok haduh Umtyngkhun ka la buh ruh ia ka jingkylli la ka sorkar kan dang bteng ne em ban pynheh ia kane ka surok na ka bynta ka jingmyntoi jong ki paidbah kiba don ha kitei ki saw shnong.
U bah Pynaid Sing Syiem MLA jong katei ka jaka u la ong ba ka dei ka jingshisha ba ka pynheh ia ka surok kala kut ha katei ka jaka, hynrei na ka liang jong u la dep phah da ka jignthoh sha ka sorkar ba dei ban bteng ban pynneh ia kane ka surok na Umtyrkhung haduh ban da poisha Shillong bye pass ban iaid lyngba kitei ki saw tylli ki shnong.
Bah Pynaid la iathuh ban a Itshyrwat sha Umtyngkhun kaba la dep ban shna ka long kuma 12 km bad kaba dang sah ka long sa kumba 7 km, ha ka jignshisha kane ka sorkar kala leh ia kaba bha ban shna bad kaba sah la phah sha ka sorkar ba kan mang pisa ban bteng ia ka jingpynheh ia kane ka surok.
