Shillong, Jymmang 17: Ia U tower ba don hapoh shnong Domsohkhai, Nongnah ha South West Khasi Hills Distri
ct ym shym la don ba peit bad sumar mynta la ar snem tam eiei bad kumba long mynta la i kumba u la jan khyllem ha kaba Kane kan buh jingeh iaki paitbah nongshong shnong khamtam iaki long ing ba marjan bad u tower.
Naka liang jongka seng hadien ba ka la ioh iaki jingujor halor ka jingbymdon ba peit ba sumar ia une u tower naki paitbah jong ka kane ka thain kala leit jurip bad ka la lap shisha ba kane ka lah ban buh jingma iaki longing ba marjan.
Haba ki peit ngi la lap ba khlempep lada ym lah ban pynbeit ia Kane ka kam kan sa buh jingma iaki longing ba sah marjan Namar ba ki nar ruh ki la sarang bad kumjuh ruh ka nongrim une u tower mobile phone kam long Shuh kaba lah skhem.
Naka liang jong ka KSU Ranikor Circle lyngba ka kyrwoh ba la phah da u samla Oristar Langte, General Secretary, KSU Ranikor Circle ka kyntu ia ka Deputy Commissioner jongka South West Khasi Hills District ba kan sngewbha ban pynbeit bad tuklar lem iaka kam.
Kum ka seng ngi kwah ba dei ban maramot ia une u tower ba un treikam kum haki por mynshwa namar kane kan long ka jingmyntoi ym tang iaki paitbah jong ka thain Nongnah hynrei ha baroh kawei ka thain.
Haba ngi peit ia une u tower ki iohi ba u la sdang sator bad um long shuh uba skhem kumba long mynshwa bad kane kan buh jingma lada un khyllem ha Kano ka por khamtam mynta ba la Sdang ka por lyiur bad ka lah ruh ban wanrah iaki jingjia ba sngewsih ia kaba kum ka seng ngi sngewdei ba ki bor District kin tuklar noh kham kloi katba lah, la ong u samla Oristar Langte, General Secretary, KSU Ranikor Circle.
