Shillong, Jymmang 04: Ka jingialang jong ka NPP ban jied ia u kyrtong ban ia khun ia ka election shiteng samoi na 53-Ampati Konstitwensi kala long ar sngi lynter bad mynta ka sngi kila buh teng biang ban ap ia u myntri rangbah jylla u Conrad K Sangma ban wan phai na Delhi ban shim ia ka rai kaba khatduh iano yn pynieng kum u kyrtong ka party.
Katkum ka jingtip kaba la iathuh napoh ka NPP la ong ba kiba bun ki tyrwa ia ka kyrteng jong u Clement Momin, hynrei ia ka rai ym pat shim namar kala don ka jingiakren bad kiwei ki party kiba ia donlang ha ka sorkar ha kba kin ia treilang ha kane ka election shiteng samoi.
Ki thymmei khubor kiba ia jan bad ka NPP ki iathuh ba u Conrad K Sangma yn wan phai na Delhi ha ka sngi u Blei. Ha dien ba la poi u tei u nongialam ka seng kin ia iakren sani bha na ka bynta ban rai ia u kyrtong namar ka jingkwah jong ki para party kiba don ha ka sorkar ka long ba ki dei ban jop ia kane ka election pyrshah ia ka kyrtong jong ka seng Congress.
