Shillong, Naiwieng 23: ha dien ba ka sorkar jylla kala pynbna ban pyntrei kam noh ia ka jingsiew tulop kaba thymmai ia ki nongtrei sorkar naduh u bnai Nohprah jong u bnai ban wan, na ka liang jong ki nongtrei jong ka KHADC kila ap khmih lynti lano EC jong u Bah PN Syiem kan pyntrei kam noh hapoh jong ka KHADC.
Ki thymmei khubor ki iathuh ba na ka liang jong ka EC kala shim ia ka rai ba pyntrei kam ia ka tulop kaba thymmai katkum ka 5th Pay Commission jong ka sorkar jylla, namar kim lah ban don ia la ka jong ka Pay Commission ka KHADC kan but ia ka jong ka sorkar jylla.
Ki lad khubor ki iathuh ba na ka liang jong ka EC ka dang hap ban ia shong pyrkhat la kin pyntrei kam ia kane ka tulop thymmai na u bnai aiu bad kin shim na duh u snem u ba katno ka tulop thymmai sha ki nongtrei kan trei kam.
