Shillong, Risaw 30: Mynta ka sngi ka seng HNYF jong ka Ri Bhoi District hapoh ka jingialam jong u Bah E Nongrum kum u general secretary lemb ad ki trai jaka kila leit ban ai ka jingujor sha u CEM jong ka KHADC pyrshah ia u Bah S M Syiem u ba dei u Syiem Riad jong ka Raid Narlien ba hap hapoh jong ka Hima Mylliem.
Haba kren ha ki nongthoh khubor ha dien ka jigniakynduh ia u CEM jong ka KHADC, u bah Nongrum u la ong ba kine ki trai jaka kiba la ioh ia ka pata na u Syiem raid kiba la ia wan lang mynta ka sngi kila ia kynduh ia u CEM jong ka KHADC ba u dei ban leh ei ei halor kane jingai pata Ar Lai tylli ia ka juh ka jaka da u Syiem Riad.
Ha kane ka jingiakynduh la ong ba na ka liang jong u CEM jong ka KHADC u la kular ban shim khia ia kane ka kam bad ban tohkit ia kaei kaba la jia bad na ka liang jong ka seng HNYF bad kine ki trai jaka ba la ia wan lang ruh kila sngewhun ia kaei kaba u CEM u la kular halor kane ka jingdawa ka jong ki.
U bah Nongrum u la iathuh ba kila leit ban iakren bad u Syiem raid ia kane ka jingeh hynrei u phah sha u Syiem jong ka hima bad haba ki leit sha u Syiem jong ka hima phah ia ki sha u Syiem raid, dei halor kane ka jingleh ka jong ki ba kim banse ban wan mynta ka sngi sha u CEM jong ka KHADC.
La ong ba kine kiba wan mynta ka sngi ki long tang ki khyndiat ngut na pdeng kiba bun kiba la ngat ha kum kane ka jingleh jongu Syiem Raid. Kine kiba la wan mynta ki long kiba la ioh pata ia ka jaka rep jong ki hynrei u Syiem raid u la ai pata shawei ia ki jaka kaba la trei da kiba la ioh pata nyngkong.
