Shillong, Nailur 02: U Bah Lambor Mawa na ka shnong Umniuhtmar ba hap hapoh jong ka East Khasi Hills District u la ujor sha ki pulit jong ka jylla Meghalaya ba ka bri jong u kaba ka Mawiur kala duh na ka daw ba la jyllei palat ka jinpyniaid masi da ki nongkhaii masi tuh sha ka Ri Bangladesh.
Ha ka jingujor kaba la ai sha ki pulit na ka liang jong u Bah Lambor u la thoh ba ki jingthung jingtep ha ka bri jong u kila julor namar kane ka jingpyniaid masi ki nongkhaii masi beain na ka bri jong u. U la ong ba ka jingduh ka bri kala kot sha ka T.7,00,000/- tyngka.
