Shillong, Naitung 12: Mar ia ioh jingtip ba u Chairman jong ka KHADC u Bah LG Nongsiej u la resign na ka kam Chairman u Bah HS Shylla u CEM kandidate bala pynieng da ka KHDA u la wan ban ia kynduh ia u Secretary jong ka Legislative ban pynthikna ia kane ka khubor.
Ha kane ka jingiakynduh na ka liang jong u Bah M Kharkrang u la iathuh ha u Bah HS Shylla ba ka dei ka jingshisha ba u Chairman u la hiar shuki mynta ka sngi bad na ka liang jong ka ophis ka dang bishar bniah ia ki rule bad ia kaei kaba la jia ha kip or ba la dep haba kum kine ki jingjia ki jia hapoh ka ophis.
Na ka liang jong u Secretary u la ong ba ka ophis mynta kin hap ban phah ia kane ka shithi sha u Lat jong ka jylla ban pdiang ia ka jingresign jong u Chairman bad ia kin ap ia ka jingbethah na ka ophis jong u Lat ka jylla halor kane ka kam namar la dep ban buh ia ka elskshon ban jied ia u CEM jong ka KHADC mynta ka sngi.
Na ka liang jong u Secretary u ong ba ia mynta ym pat lah ban ong kumno kumno namar ki dang hap ban ia pynbeit ia kane la ka elekshon kan long ne kam long mynta ka sngi kata baroh ka shong ha ka jingbethah na u Lat jong ka jylla kumno ban leh.
