Ba ia hala  ki MDC ha iing dorbar nga la pynwai noh ia ka jingiashong dorbar: Dennang

Shillong, Naiwieng 27: U Lamphang jong ka iing dorbar Garo Hills Autonomous District Council (GHADC) u Denang T Sangma u la ong ba u la pynwai noh ia ka jingiashong dorbar na ka daw jong ka jingpynklumar jong ki MDC hapoh ka iing dorbar.

Haba kren ha u SP News Agency u Denang T Sangma u la iathuh ba nyngkong la pynlong shuwa ia ka ilekshon ban jied ia u Deputy Chairman, ha kane ka jingiai jied u N G Momin jong ka liang pyrshah u la jop ia ka ilekshon ha kaba u la ioh 15 vote bad u Augustine R Marak jong ka liang synshar u la ioh 13 vote bad kawei la shah kyntait.

U Lamphang ka GHADC, u Denang T Sangma u la ong ba u la buh ban shim sa ia ka mat jingiakren bym don jingshaniah shuh ia ka Executive Committee bad haba u la rung hapoh ka iing dorbar u Chief Executive member u Dipul R Marak u la mih sha bar bad ha kane ka por la mih ka jinghala hapoh ka iing dorbar.

La Lamphang u la ong ba u la pyrshang ban tem ia kane ka jingiahala hynrei ym don ba sngap bad na ka liang jong u la shim ia ka rai ban shu pynwai noh ia ka jingiashong dorbar khlem buh por khlem da shim shuh ia ka mat bym don jingshaniah shuh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet