Ba ia mai ha iing phet ka kynthei samla, lap ki pulit ba ka iam  ha station Rel ha Rangiya

Maligaon, Iaiong 29: Mynta ka sngi ha ka por 12.30 baje ei ei pdeng sngi ki pulit jong ka Railway Protection Force (RPF) kila iohi ia kawei ka khynnah samla kaba iaid sharum shaneng jong ka station rel ha  Rangiya Assam.

Na ka liang jong ki Pulit RPF kila peit ia kane ka jingleh jong kane ka khynnah samla kila ipher bad kila tur sha jan jong ka bad mar ia poi ki pulit kala iam, na ka liang jong ki pulit kila ialam noh ia ka sha ka jaka hapoh ophis jong ki bad ia kren bad kane ka khynnah samla.

Ha kane ka jingiakren kane ka khynnah samla kala phla ba ka dei kaba pule hapoh jong ka skul Navodaya Vidyalay bad ka dang shu pyndep ia ka eksamin phainal jong ka  ia ka Higher Secondary ha ka  Science. Kala iathuh ba namar ka don ka jingiakjia ha iing kala mih noh na iing.

Kala iathuh ba ka jingwan jong ka sha Rangiya railway station, ka long ba u don u kparat jong ka ba sah ha jan kane ka station rel, hynrei ynda ka poi sha kane ka jaka kam tip shuh ia ka lynti ban leit sha iing jong u kparat bad kam lap shuh ruh ia ka lynti ban leit phai sha la iing.

Na ka liang jong ki pulit RPF kila phone sha iing katkum u number ba kane ka khynnah samla kynthei kala ai bad ha dien bala pyndep ia ki kyndon baroh la aiti noh sha kiba ha iing jong kane ka khynnah samla. La ban pynkynmaw ba ha u snem 2018 ki pulit RPF kila ioh ban pynlait haduh 708 ngut ki kynthei na station Rel.

 

 

 

What Next?

Recent Articles

Leave a Reply

Submit Comment

*