Ba ioh jingujor u MLA Nongkrem kynnoh ba trei torti ïa ka surok PMGSY ha Umphyrnai 

Shillong, Nohprah 8: Hadien ba u la ioh ia ka jingujor na ki riewrangbah ba ka jingpyntrei ia ka surok PMGSY ha ka shnong Umphyrnai ka ban pyniasoh sha ka shnong Jyntah, kam da long kaba janai, u Bah Lambor Malngiang, MLA/MDC ka Nongkrem, Bah Lambor Malngiang uba dei u Chairman ka State Planning Board ka Sorkar Jylla ha ka nohphai sngi Ba-ar u la leit hu ban jurip ia ka jingpyntrei ia kane ka surok.

Kane ka surok PMGSY kaba pyntrei mynta ha Umphyrnai ka jingjngai ka don 4.552 KM bad ha ka jinglut ba la mang T. 2 klur tam bad la khmih lynti ba shen ia kane ka surok yn sa lah ban pyndep noh kloi. Ha kane ka jingjurip u MLA ia kane ka surok PMGSY la ia synran lang ruh da u Rangbah Shnong, Bah John Kharkongngor lem bad ki dkhot jong ka Executive Committee ka Dorbar Shnong Umphyrnai.

“Naduh ba wan ka jingkhang dam ym shym la lah shuh ban bteng ia ka jingtrei bad mynta la sdang biang ia kane ka surok bad ka long shisha ka jingkyrkhu ia ki paidbah. Hadien ka jingkhang dam ka surok kala jot ka la pra bad dap tang da ka pum pum suda”, u la ong.

Hadien ba la iaid shakhmat ia ka jingtrei na ka liang jong ki bor shnong kila pyntip sha u ba ka rukom trei kam da ibiang bad ynda u MLA u la wan hi ban jurip la sakhi ia ka jingdonkam ban maramot biang ia ka surok ba la dep siang rong.

“Nga la bthah ia ki nongtrei ban siang biang sa shisien ba kan ia wan dur lang kumjuh bad bun ki projek ha shnong Umphyrnai kiba bun kila jan dep lut bad ki kam ba dang sah ka long stang kumba shi kilometer” ong u Bah Lambor.

“Nga kwah ban pyntikna ba ki surok kiba dang sah hapoh ka shnong hi baroh kawei ba ngin ialeh ban pyndep kloi ia ki bad ruh ban ioh siang rong ia ka lynti ban leit sha Iing Dorbar bad ruh ban pyntikna ba ha ka shnong Umphyrnai baroh ki surok yn siang noh da ka rong” u la ong.

Na ka liang u Rangbah Shnong u la ong ba kane ka dei ka sien ba nyngkong ba yn iohi ia ka rong um ba kin siang rong. “Ngi la ia peit lang na ka bynta ka jingiaid beit jong ka kam bad sngewburom ia u MLA bad ia ki Engineer halor ka jingioh ia kane ka surok bad ka shnong kan ia trei lang ryngkat ryngkat bad ruh ban ia bud dien lang na ka bynta ka jingmyntoi jong ka shnong hi baroh kawei”, u la ong.

“Ngi da sngewnguh ia u MLA bad ha u snem 2019 kane ka surok ka la urlong bad ka dei ka jingshimkhia u MLA hynrei mynshwa ha ki snem kiba la dep la bun sa tang ki jingwan thew khlem poi kam pat shaei shaei”, u la ong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet