Shillong, Kyllalyngkot 04: Ha ka kyrwoh kaba la phah mynta ka sngi da u bah Hubert Riang, Secretary bad u bah Division Pyngrope President jong ka party HSPDP Nongkrem konstitwensi, ki la ong ba ha ka jingialang kaba la long mynta ka sngi la pynwai noh ia ka party hapoh Nongkrem.
Katkum ka kyrwoh kaba la phah da kitei ki nongialam jong ka seng na Nongkrem konsotitwensi kila kynnoh ba ka jingpynwai noh ia ka party ha katei ka jaka ka long na ka daw ba ka party kala rai ban ai tiket ia u Bah Hilarius Warbah na ka bynta ka MDC Ilekshon khlem da kynjoh ktien ia ka party.
Na ka liang jong ka HSPDP, Nongkrem Konstitwensi kila kynnoh ba kane ka dei ka jingleh don bor jong ka party napoh jong ka central body ha kaba kila shim ia ka rai ban ai tiket khlem da kynjoh ktien ia ka party kaba don hapoh jong ka Konstitwensi.
