Shillong, Nohprah 16: Namar ka jingpang COVID-19 kumba ka long mynta kala nangkiew ha kane ka nongbah Shillong na ka liang jong ki bor ba dei peit ia ka District Administration jong ka East Khasi Hills kala shim ia ka rai ban buh biang ia ki jaka test naphang ia kiba paidbah ha kaba ia dei bad kane ka jingpang COVID-19.
Ki bor jong ka District Administration mynta ka sngi kila buh ia ka jaka ha Khyndailad ha jan OB Shoping Mall bad ha Motphran ha syndah ban rung sha iewduh, kine ki jaka kin long ba ki briew jong ka tnad ka koit ka khiah kin ioh ban test ia ki briew kiba iaid ba ieng ha kaba ia dei bad kane ka jingpang COVID-19. Ia kine ki jaka la tip kum “Random COVID Testing Centre”.
Na ka liang jong ka Magistrate kaba dei peit ia ka thain iewduh mynta ka sngi kala wan jngoh ia kane ka jaka bad kala don ka jingiakren bad ki nongdie madan ha katei ka jaka bad na ka liang jong ki nongdie madan ruh kila pyni ia la ka jong ka jingeh ka jong ki bad na ka liang jong ki bor ba dei peit ruh kila sngap ia kaei kaba ki pynsngew.
Haba kren u SP News Agency ka Magistrate kaba dei peit ia ka thain Iewduh kala iathuh ba ha dien ba la wan ban jurip la shem ba ka jaka kaba la mut ban buh ha Motphran ka long kaba khapngiah bad la shim ia ka rai ban rah noh sha jaka ieng taxi Jaiaw, kane k a jingbuh ia kine ki jaka test kan long na ka bynta lai saw sngi.
