Shillong, Iaiong 12: Mynta ka sngi ka Joint Action Committee, ryngkat ki seng bhalang ki 6 tylli ki dorbar shnong na khappud ka jylla Assam bad Meghalaya na Ri Bhoi District kila leit sha Secretariat da ka jingthmu ban ia kynduh ia u myntri rangbah ka jylla u Conrad K Sangma ban ia kren halor ka jingia soi soslular halor ka kam pud bad ka Assam.
Ha kane ka jingleit na ka liang jong u mytnri rangbah ka jylla u Conrad K Sangma ym shym la treh ban ia kynduh ia ki wat la kila poi sha Secretariat namar ba ki khlem pan por lypa, kila shu wan khlem da pyntip, wat la ki nongialam katei ka kynhun kila poi haduh khmat u ophis u myntri rangbah.
Haba kren ha ki lat pathai khubor u bah Erwin Sutnga la ong ba kane ka jingwan ka long ban phah pyndam noh ia ka soskular kaba kila ia soi hapdeng ka Assam bad Meghalaya, ka jingbym pdiang ia kane ka long ruh namar ba “Kawei ka long ba ka la dei ban don ka jingiasyllok bad ki District Cuncil.
Ka jingkylli ka long hato ka Sorkar kan lah ban phiah ia ka Autonomous District kaba hap[ hapoh ka jingpeit jong ka District Council hapoh ka para 20 jong ka Sixth Schedule lada ka sorkar ka mut ban Muslia ia kane kan sa mih ka jingiakhih ka ba shyrkhei la ong u bah Erwin.
La ong ba ki briew kiba im ha khappud bad ka jylla Assam ki sngewthuh ba kim lah ban im bad ki briew jong ka jylla Assam, la ong ba ka jingpyniasoh bad ka Ri India ka dei hapoh ka kyndon kaba 7 jong ka Independent Act, la ong u bah Erwin.
La ong ba kam don jingeh ei ei ruh em ban bishar biang ia ka Soskular, kane jingleh jong ka sorkar MDA ka long tang ban myntoi sian pyrthei, la ong ba lada ka sorkar MDA kam sngap shuh kinhap ban leit ban tied ia ka jingkhang jong ka Supreme Court katkum ka artikle 131 bad ki kyrmen ka iing bishar kan ia ia ka rai.
