Shillong, Rymphang 11: Ki paidbah kiba leit ban don kam hapoh jong ka ophis tnad lum khajna “Taxation Department” kaba don ha Lower Lachumiere kila ia kynduh jingeh namar ba kane ka ophis kam don lait mynta saw sngi lynter.
Katkum ki jingtip kiba la ioh, la ong ba ka jingduh light hapoh kane ka ophis kaba don kam tam kaba dei lum ia ki khajna ka long naduh ka sngi nyngkong bad ka la bteng haduh mynta ka sngi, bun na ki kam kaba ki paidbah ki don kam ban siew ia ki khajna kala ia ki haka jingeh.
Khlem da pynpaw kyrteng, la iathuh ba bun na ki kam ki jam kaba ki nongkhaii ki don kam ha kane ka ophis ban siew ia ki khajna bad ban ioh ia ki kot ki sla kiba don kam na kane ka ophis kila sah kut na kadaw jong ka jingbum don light.
Ki briew kiba trei ia ki kam la jong kiba dei ban siew ia ki khajna haba kila kylli ba lei ki kot ki sla jong ki kaba ki don kam khlem pat lah ban ioh, ka jubab kaba kila ioh na ki nongtrei kiba don ha katei ka ophis jong ka tnad lum khajna ka long bay m don light.
Haba ia dei bad kane ka jingbym don light, haba u SP News Agency u la ioh ban ia kren bad kylli na ki bor ba halor ba dei peit ia ka tnad lum khajna la iathuh ba ka jingduh light hapoh katei ka ophis ka dei na ka daw ba shah ot ka light ha ka MeECL namar ba pynsah bai light.
Kane ka jingot light kam dei tang ia kane ka ophis hynrei kila don bun kiwei ruh ki ophisar bad ki iing ba sah ki ophisar sorkar, kumjuh ki riew shimet.
