Ba khlem pat siew ia ka tulop ki nongtrei GHADC dawa hiar shuki ia u CEM

Tura, NDenang T Sangmaaiwieng 18: U CEM barim jong ka GHADC u Denang T Sangma u la dawa ba u CEM ba mynta  u Boston Ch Marak u la dei ban hiar shuki noh mardor namar ba u khlem pat siew ia ka tulop jong ki nongtrei jong ka GHADC kaba la sah mynta la 14 bnai.

“ Nga pang ka mynsiem ba iohi ia ka rai jong ka EC kaba mynta hapoh ka jingialam jong u Boston ha kaba kala shim ia ka rai ban shu ai kyllum tang hapeng T.5000/- bad T.3000/- ia ka tulop jong ki nongtrei ka GHADC kaba la pynsah ia ka tulop jong ki 14 bnai” . U CEM ba mynta u la dei ban shim ia ka jingkit khlieh bad u la dei ban hiar shuki noh., la dawa u Denang.

Kane kala dei ka por ba ki kmie ki kpa ki hap ban siew ia ka bai skul jong ki khun jong ki hynrei kane ka jingbym lah jong ka EC ban siew ia ka tulop kala ktah ia ki khynnah skul bad kala buh shisha ia ki kmie ki kpa ha ka jingeh kaba khraw.

La ong ba ka jingkhyllem ka EC jong u ka dei halor ka nongrim ba kila pynshah ia ka tulop jong ki nongtrei, hynrei ha ka por jong u ka EC ka dang ioh ban siew katto katne bnai, hynrei na ka liang jong u ne u CEM ba mynta u la ong ban siew ia ka tulop hynrei haduh kine ki sngi u khlem lah ban siew ia ka tulop jong ki nongtrei.

Ha ka por jong u u la wan rah ia ka kynhun ia kaba la tip kum ka Hyderabad Center for Good Governance ban pynwandur ia ka jingtrei kam jong ka GHADC namar kala long lyngkrang palat, shuwa ban pyntrei kam ka EC kala khyllem, u dawa na kane ka EC kaba mynta ba dei ban pyntrei kam noh ia kane namar la don kam ban wanrah ia ka jingkylla ha ki tnad trei kam jong ka GHADC.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet