Shillong, Rymphang 15: Mynta ka sngi ki paidbah kiba la mih na iing ban leit sha ophis jong ka MePDCL kaba don ha pyrshah jong ka Meghalaya Secretariat ban siew ia ka bai light kila hap ban leit phai noh sha la iing namar la ong ba ka ophis ka khang namar ba khlem poiki nongtrei.
Haba u SP News Agency u la poi sha kane ka ophis ha dien ba la ioh ia kane ka jingtip, la iohi ba ki kamra trei kam hapoh kane ka ophis kip lie hynrei ym don briew ha ki kamra bad ia ki kamra ba hap ban siew ia ka bai light la khang tala.
Haba la kylli na ki pulit kiba ap phahara ia kane ka ophis kila ong ba ka ophis ka khang namar ba kim shym la poi trei ki nongtrei namar bym don kali ba leit ba wan, kumta wat la ka ophis ka plie hynrei la hap ban khang namar ba ym don ba wan trei mynta ka sngi.
Ha kane por ba la ia kren bad ki pulit ba ap pahara ha kane ka ophis ka long kumba 11.45 baje mynstep, haduh kane ka por ruh ym don nongtrei ha kane ka ophis bad ki paidbah kiba mut ban leit ban siew ia ka bill light jong ki kila hap ban leit phai noh.
