Shillong, Rymphang 01: Mynta ka sngi ka Meghalaya Joint Action Committee (MJAC) kala leit ban ia kynduh ia u symbut myntri rangbah ka jylla u bah Prestone Tynsong ban ia kren halor ka jingkiew dor palat jong ka umphniang, petrol bad Diesel.
Haba kren ha ki lat pathai khubor ha dien ka jingiakynduh ia u Symbut myntri rangbah na ka liang jong jong u bah Wandonbok Jyrwa u la ong ba kim hun ia ka jingiakren namar na ka liang u symbut myntri rangbah u la ong ba skhot ia ka kommittee la katta ka kommittee kan long.
Namar ba kim hun ia ka jingiakren ka seng kala shum ia ka rai ba kin pynlong ia ka jingsangeh kamai ki Taxi bad ki bus ha ka jylla Meghalaya bad kane ka jingsangeh kamai kan long kaba khlem buh por katba ka sorkar kam pat ai ia kano kano karai ha kaba ia dei bad kane ka jingdawa ka seng.
Kane ka jingleh jong ka sorkar ka long ba ka iuhroit ia ki nongbuh kalai namar wat ha kine kip or ba khang ruh ki hap ban siew ia ka khajna bad mynta wat la ki dang pyniaid ia ka Odd bad Even ruh ka sorkar ka phah siew pura pat ia ki khajna khlem da map.
Na ka liang jong ka seng kan nym don kano kano ka jingkit khlieh lada lada jia kano kano ha kane ka jingsangeh kamai, katba ka sorkar katba kam pat khot ia kren ne ia pynbeit kane ka jingsangeh kamai kan dang iaid bteng.
Ha kane ka jingiakynduh ia u symbut myntri rangbah ka ka long la wan lang na baroh ki president jong ki District jong ka jylla ban sngewthuh lang. Ha kane ka jingiakynduh la kyntu ia ka sorkar ba kan pynhiar ia ka khajna kaba dei jong ka sorkar jylla, lada ka sorkar kam sngap kim banse ban mih madan.
