Shillong, Rymphang 01: U Superintendent jong ki pulit ka East Khasi Hills District mynta ka sngi u la pyntip ba ka iing bishar kaba kyrpang ha kaba ia dei bad ka jingshah ban bein jong ki kynthei khynnah kala rai pynrem ban set phatok 14 snem ia u Henry Diengdoh halor ka jingleh beijot jong u ia ka khynnah.
Ki pulit kila iathuh ba kane ka jingjia kala jia ha u snem 2013 kaba hap hapoh jong ka Rynjah Police Station. Na ka liang jong ki pulit kila register ia kane ka mukotduma bad ha dien ka jingbishar ka iing bishar kala ai ia kane ka rai ban set phatok 14 snem ia une nongleh kam sniew.
Ha ka juh ka por ka nongbishar ka Noor Ain Khan (MHJS), Special Judge (POCSO), East Khasi Hills, District, Shillong kala ai ruh ia ka jingbethah jong ka ba siew sha kane ka khynnah kaba la shah leh beijot ar lak tyngka da ka sorkar jylla.