Ba leh klet ka PWD mih ka FKJGP ban maramot ia ka surok naduh Lad Mawnianglah

ShIMG-20181018-WA0032illong, Risaw 19: Ki Nongialam bad ki Dkhot jong ka FKJGP Lai Shnong Area Unit kaba kynthup ia ka Shnong Mawnianglah, Mawkhan bad Mawrashe kaba long kawei na ki shnat treikam jong ka FKJGP Upper Shillong Circle ha ka sngi Palei kila ia mih paidbah ban maramot hi ia ka Surok naduh Lad Mawnianglah, 7th Mile Upper Shillong ter ter shaduh sha Mawrashe bad Mawkhan.

Kane ka jingmih paidbah da ki Dkhot jong ka FKJGP hapoh ka jingialam jong u Bah Hopewell Kharkongor, President FKJGP Lai Shnong Area Unit ha ryngkat ka jingia donlang jong u Bah Christphin Kharmawphlang Rangbah Shnong Mawrashe bad u Bah Arkos Kurkalang Secretary Shnong Mawrashe ban ai lem ia ka jingia snohktilang ia ki Dkhot jong ka FKJGP ban maramot hi noh dalade ia ka surok.

Ka seng FKJGP kala pyndap khyndew ia ki thliew ki syar ha shilynter katei ka surok kaba la buh jingeh ia ki paidbah nong shong shnong jong kitei ki lai tylli ki shnong khamtam eh kaba la pynsalia bad pyn artatien wat ia kiba bun ki kali kamai ban kamai sha kitei ki shnong namar ka jing sniew palat jong ka surok.

U Bah Hopewell Kharkongor, President FKJGP Lai Shnong Area Unit u la ong ba na ka liang jong ka Unit la bun bun sien kila ju leit ia kynduh ia ki bor ba dei khmih, ha kaba dang shen ruh la wan ban jurip lang ia katei ka surok da ki Engineer jong ka tnad PWD, phewse ki por bad ki sngi ki shu long lehnohei lut baroh namar ba haduh mynta ym shym la iohi dak satia bad ha kaba khatduh ka jubab ba ioh ka long ba dang buh proposal ban submit scheme.

U Samla Kitboklang Nongphlang, President FKJGP Upper Shillong Circle u la ong ba ki Nongialam bad ki Dkhot jong ka Seng ngim banse ban mih hi dalade ban maramot ia katei ka surok haba ki bor sorkar ki la leh klet bad phai lyndet namar ba ngim lah ban shu sngap bad ban shu shong kli kti haba ki paidbah Nong Shong Shnong ki ju wan ud wan nam shangi kum ki nongialam na ka por sha ka por.

Na ka liang jong utei u Samla Nongialam jong ka thain u la byrthen ruh ba lada ki bor ba dei khmih kim leh eiei haduh kane ka tlang kaba mynta, na ka liang jong ka Seng kam banse ban shim da kiwei pat ki sienjam ban pyn peitmat kdar ia ki heh sorkar na ka bynta ka jingbit jingbiang jong ki Paidbah Nong Shong Shnong.

Na ka liang jong ka FKJGP Lai Shnong Area Unit ka ai khublei kyrpang ia u Bah Headingson Nongkhlaw u ba na ka shnong Mawkhan iba la noh synniang da shi Bolero Pick up u Dust ha katei ka sngi ba kum ka seng ka shim ia ka sienjam ban tynrtong hi dalade ia ka lyngkor kaba khia.

Ha kajuh ruh ka por na ka liang jong ka Seng ka pan ruh ka jing ia snohkti lang na baroh ki paidbah Nong Shong Shnong ban ai lem ka jingkyrshan kaba pura ia ka Seng khnang nangne shakhmat khnang ba kum ka Seng ngin ioh ban pynurlong ia ki jing angnud jong ki paidbah ha kiba bun ki liang khamtam eh ha ka roi ka par.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet