Shillong, Naiwieng 12: Ka KHNAM State Youth wing mynta ka sngi ka la leit ban khnang noh ia ka ophis treikam jong ka INGOU ha NEHU.
Ka seng ka pynrem jur bad ka pyrshah tyngeh ia kino kino ki ophis lada dei jong ka sorkar pdeng lane ki ophis private kiba plie ia ki ophis jong ki kum ha kine ki sngi kyrpang lada dei ka sngi shad nongkrem, behdiengkhlam, lane kiwei kiwei.
Ka sent na kawei ka por sha kawei pat ka la juh leit ban phah khang ia kum kine ki ba plie lane pynlong trei, khlem da burom shuh ia ki riti ki dustur.
Ka seng ka dawa ba ka sorkar jylla ka dei ban phah da ka jingthoh lane notification ha ba sdang jong u snem sha baroh kine ki ophis ban pyntip kino ki sngi kiba kyrpang bad ban bthah ia ki ba kidei ban khang kum ka dak ka jingburom.
