Ba pynduh tiket MLA ka UDP leit pyniasoh u Bah FD Ramsiej bad ka party NPP

FD RamsiejShillong, Nohprah 05: U MLA jong ka seng NPP u Nihim D Shira, u la pdiang burom ia u Bah FD Ramsiej sha ka party NPP ha ka jingiadon lang jong kiba bun ki nongkit kam jong ka seng bad ryngkot ki nongkyrshan jong u.

Ha ka jingkren pdiang burom ia u Bah Ramsiej u ba dei na Umroi Konstitwensi u MLA jong ka Songsak u la ong ba khlem ar tatien ka NPP kan wan ha ka bor ha u snem 2018 bad kumba ka long mynta ki dak ki shin ki paidbah jong ka jylla kila ngiah ia kane ka jingsynshar don bor jong ka sorkar Congress. Ka jingwan jong u Bah Ramsiej sha ka party ka dei ka jingdon bok ia ka party.

Na ka liang jong u Bah FD Ramsiej ha ka jingkren ka jong u la ong ba ka long kaei kaei kaba um lah ban mut dur wat la ka UDP kala dep ban pynbna ia ka kyrteng jong u kum u kyrtong MLA na Umroi hynrei mar ia leit rung u Bah Mangara Pathaw ka pynduh tiket noh ia u, u la ong bal eh se kane ka jingjia ka dei ka jingpyniaid kaba na lyndet.

Haba u la rung mynta sha ka NPP, ka jong ha ka party kumno kan pyndon kam ia u naka bynta ka party lada ka party ka ong ba un ia khun ia ka MLA u long u ba la khreh bad lada ka party ka buh da u wei u kyrtong ruh u long u ba la kloi ban ia treilang bad ka party ban wanrah ia ka jingjop.

U la ong ba u la iehnoh ia ka kam Inspector na ka tnad rep shisnem mynshuwa da ka jingthmu ban ia khun ia ka MLA Election bad u la trei na ka bynta ka UDP ban pynim ia kane ka party ha Umroi, hynrei kata ka jingthmu jong u kam shym la poi sha ka thong namar u la shah pynduh tiket noh ha ka party UDP. Hynrei ka jingpoi jong u sha ka NPP ka dei ka jingialam lynti u ba la lyndet.

 

What Next?

Recent Articles

Leave a Reply

Submit Comment
*