Shillong, Naitung 10: Namar ka jing pynsah teng ka GOI bad MHA ban pyntreikam ia ka jingbthah ka tnad NCST, Sorkar India kaba bnai April 2012, bad hadien kiba bun ki jingpynkynmaw na u Chairperson, NCST Sha u Union Minister Home Affairs, Govt of India, bad hadien ba la dep thoh, iakynduh, bad iaid lyngba baroh ki lynti jong kane ka synshar paidbah ka Ri India ban kyntu ia ka Sorkar India ban pyntreikam ia ki jingiateh ki jingialang, kiba la mynjur bad pdiang da ka Govt of India, bad ka Federation of Khasi States, kumta katkum ka Rai kaba la shim dang shen ka office FKS ka la dep pynkhreh ia ka jingujor kaban phah Sha u Secretary General, ka United Nations Organisation.(UNO).
Kumban shu pynkynmaw u Bah John F Kharshiing, Spokesperson, FKS, u la leit ban ai ia ka shithi pynkynmaw dang shen ha u Joint Secretary Ministry of Home Affairs, ha New Delho ha ha 4June 2018.
Ka Dorbar FKS ki la phah teng ka Memorandum sha u President Ri India, Prime Minister bad Union Home Minister, Chief Minister, Meghalaya, ha kaba la pynpaw pynkynmaw ia ki baroh halor ka Hok ki Khasi States bad khamtam ka jingbthah jong ka National Commission for Schedule Tribes.(NCST), ban pynpaw ia ka IOA & AA hapoh ka Constitution Ri India hapoh ka kyndon kyrpang Article 370 (a).
