Shillong, Naitung 27: Ka KSU SWKHD ka pynpaw iaka jinglyngngoh iaka jingleh jong u bah Pynshngain Syiem CEM ka KHADC da kaba u la ai NOC iaka surok na Nongstoin shaduh Wahkaji kaba dei hi ka surok uranium ha ka jingjngai ba 43 km.
Kum ka seng, ngi pynrem jur iaka jingkylla khlieh khlieh tdong bad ia ka jinglong bym don nongrim jong u ne u khlieh ka KHADC u ba la kylla la ka nongrim tang hapoh shisngi ba la rai ban nym ai NOC ia kane ka surok. Kum u nongialam ban iada iaka Jaitbynriew u la kylla da kumwei da kaba ai NOC iaka surok bah Two lane ka ban tih ia u uranium.
Ka jingpynlong EC bad shim rai kyrkieh halor Kane ka surok khlem da khot lang iaki kynhun ba pyrshah ia kane ka pyni iaka jinglong ba kim skhem halor ka nongrim ba ki kren khlem da pyrkhat iaki paitbah jong katei ka thain. Naka liang ka seng, kumba ka la lap shai ba Kane ka dei ka surok uranium kin nym pdiang ia kane ka NOC bad ngin bteng beit iaka jingpyrshah jongngi watla kan long ha kano ka dur ruh.
Ka Seng namar kata, ka la long ba la pynkhreh ban shim iaki sien jam ba tyngeh nangne shakhmat ha kaba ia dei bad ki nongialam ka KHADC ki hap ban shim jingkitkhlieh la da jia ei ei la ong u Bah Forwadman president ka KSU ha ka jingpynlait khubor mynta ka sngi. Ka jingai NOC da ka KHADC ka dei ka jingshetkylla jong u bah Pynshngain bad bah Hadrian Lyngdoh bad kin pyrshah namar ka Two lane la kumno kumno ka dei hi ka surok uranium bad namar kata ka dei ruh ka jingai NOC ia u uranium daka KHADC. La ong u Bah Nongrem president ka KSU.