Ba shabat ieletrik u khynnah ha Pyndenlyngdoh ka MePDCL ban siew bai lutksan: KSU

Mawkyrwat, Naiwieng 25: Ka KSU Sanshnong Area Unit kala dawa naka ophis MePDCL ban siew bai lutksan halor ka jingshah bat electrik u wei u khynnah pule na ka skul Maharam Goverment Higher Secondary School Mawkywat uba dei naka shnong Pyndenlyngdoh, South West Khasi Hills District.

Ia une u khynnah la tip kyrteng kum u Astronomis Kharhari uba dei u khynnah pule class 9 mynta u snem.Kane ka jingjia ka la jia haka por 10 shiteng mynstep jongka 23 tarik mynta u bnai. Une u khynnah u lah shitom ha ki bynta jongka kjat bad ki kti kat haduh ba u la duhnoh ia kawei ka shympriah kti na ka kti ka diang bad mynta u don hapdeng ka jingshah sumar ha Civil Hospital , Shillong.

Kumta, ka seng ka dap da ka jingsngewkhia kaba jur ia kiba kum kine ki jingjia bad ka seng haka jingshisha ka lah dep ban buh ruh ia ki mat jing dawa ha ka ophis u Asst. Engineer MePDCL Mawkyrwat naduh ha kine ki bnai ba la dep ba ka dei ban maramot bad ban ker fencing ia ki bynta ba don u transformer.

Ka seng KSU ka dawa ruh ba dei ban pynkynriah ruh ia u line ilektrik ha ki jaka ba i mynsaw naduh Tynnai ha duh Mawbidong ha baroh San tylli ki shnong area Manad khnang ban lait naki jingjia ba sngewsih kum kine.

Ka seng ka lah dep ban ia kren ruh bad ka Ofice ba ka dei ban shimkhia halor kine ki mat jingdawa jongka hynrei haba iaki mat dawa ym pat lah ban pyntreikam la dep jia noh kane ka jingjia ha kato ka sngi.

Ka seng namar kata mynta ka kynti ka dawa ba dei ban siew bai lutksan mardor bad ban shimkhia noh kyrkieh iaki mat jingdawa ka seng khnang ban pyllait na kiba kum kine ki jingjia ba sngewsih.

Kane ka dei ka kyrwoh na u samla Mansaljune Kharhari General Secretary KSU Sanshnong Area Unit bad u samla Johnmilton Shangdiar President KSU Sanshnong Area Unit.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet