Shillong, Iaiong 15: ka Khasi Students’ Union NKHD Unit Ri Bhoi District ha ka 14 Iaiong 2022 ka la leit ban kynduh ia u Deputy Commissioner U Arpit Upadhyaya bad ia u Superintendent of Police Ri Bhoi District halor ka jing shah shah kem jong ki lai ngut ki Rangbah khasi ki ba na ka shnong Sabuda ha ka 10 Iaiong 2022.
Ha kane ka jingleit kynduh ia U DC Ri Bhoi District la lamkhmat da U samla Ferdynald Kharkamni President KSU NKHD Unit, samla Banjop Maring president KSU North Khasi Hills Eastern Border Area ,President synjuk Rangbah Shnong Raid Nongtung bah Blickstar sohtun lem bad ki dhok ka KSU NKHD Unit bad ki Dkhot KSU North Khasi Hills Eastern Border Area.
Haba ioh jingkren na U Rangbah Burom Surong U la pynpaw ia ka jingsngew kyndit halor jong ka jingshah kem jong ki 3ngut ki nongshong shnong jong ka Shnong Sabuda ha ki pulit Assam halor ka jingkynnoh ba kitei ki lai ngut ki leit ban thang ia ka jingkieng kaba don ha Umler.
Na ka liang u Rangbah Burom Surong u la ong “kitei ki lai ngut ki dei ki briew ki ba lui lui bad ki ba im tang ha ka rep ka riang bad ha kato ka sngi shuwa ban shah kem kitei ki 3ngut ki la iarap ia u ban pyllait ia ka kali jong u naba sahkut naba sniew ka surok” u Bah Surong u la ong ruh ” ka jingkem jong ki pulit Assam ka long ka bym don nongrim haei haei ruh bad nga la long ruh u ba kloi ban sakhi hakhmat jong kino kino lada donkam”
Haba ioh ban kren bad U samla Ferdynald Kharkamni President KSU NKHD Unit U la ong ba hadien ba ka Seng ka la jingioh jingtip halor katei ka jingjia jong ki lai ngut ki Rangbah jong ka shnong sabuda ka seng khlem da shnong thait ka la leit ban kynduh ia u DC ha ka jingiadon ryngkat jong u SP jong ka Ri Bhoi.
Ha ka jingiakynduh ka seng ka pynpaw ia ka jingsngewkhia ba ki pulit Assam ki kloi ban kem ia ki lai ngut ki samla khasi khlem kano kano ka sakhi bad U Samla Ferdynald Kharkamni U la pynpaw ia ka jingsngewkhia halor ka jingbym lah jong ki pulit Meghalaya ban Kem ia ki khar Nepali halor ka jingshah ktah kti jong u DSP bad ki 2ngut ki constable ha kine ki bnai ba la dep.
La ong ruh ba ka sorkar meghalaya kam dei ban shu ap ia ka kaiphod jong ka sorkar Assam hynrei dei ban don ka joint investigation khnang ban lap ia ka jingshisha bad lada ka sorkar meghalaya kam sngap ia ki jingeh jong ki thain khapud halor ka jingleh ki pulit ka sorkar Assam ban kem ia ki khasi ba lui lui basah ha khappud ka buh jingma ia ki paidbah ba sah ha ki thain khappud.
