Shillong, Jylliew 05: Kawei na ka shnat trei kam jong ka Jiva, ban pynphuh ia ka pdeng jong ka nongbah Shillong ka Khyndailat ha kane ka sngi rakhe ia ka sngi pynneh mariang la pynieng ia ka jingthoh kaba ong “ I Love Shillong” da ka Jiva Care.
Ha dien shiphang ba la pynieng ia kane ka jingthoh kila mih ki jingkynthoh halor katei ka jingshan pynitynnad namar kala don ka jingthoh “Jiva Care” kila mih ki jingkynnoh kaba ia dei bad katei ka jingthoh.
Halor ki jingkynnoh na ka liang jong ka Jiva kala weng noh ia ka jingthoh “Jiva Care” bad kaba sah mynta dei sa tang ka jingthoh kaba ong “I Love Shillong” ia kane ka jingweng la pynthikna da u Chief Executive Officer jong ka Shillong Municipal Board ba la weng ia ka ki kyntien Jiva Care.
La shna iatei ka rotary ha Khyndailat ban pynitynnad ia katei ka jaka kaba dei ka pdeng jong kane ka nongbah Shillong, hynrei ha kine ki khyndait snem ha ka snem 2019 por elections MP sha Lok Sabha ka tnad election kala thung ia ki mawbyna ha katei ka jaka, ha dien kata la wan mih sha ka kti ba la thung dieng.
