Shillong, Naiwieng 0
6: Naka liang ka BJYM, Meghalaya ka pynrem jur iaka jingjia shah thombor iaka President jong ka Civil Society Women’s Organisation (CSWO) ka Kong Agnes Kharshiing kaba la jia hynnin ka sngi haka shnong Tuber Sohshrieh, East Jaintia Hills District.
Kum kane ka jingjia ia umsnam kadei kaba yn nym lah ban pdiang haka imlang sahlang. Kane ka jingjia imat ka mih naka jingbym biang bad jingduna jong ki bor pulit ban pahara sha katei ka jaka.
Haka jingshisha ki paidbah kim dei ban shim iaka ain hala ki jong ki kti, ki lah dei ban ia treilang bad ki bor pulit bad ka sorkar kumjuh ban shim da kawei Pat ka lynti jong ka ain ban pynbeit iaka kam ne ka jingeh jongki ym ban shim daka jingia umsnam.
Kumta naka liang ka BJYM, ka sngewkhia jur ia kane ka jingjia kaba la mih ha katei ka jaka. Imat Kane ka jingjia ka mih naka daw ba ka dei bad ka kam tih dewiong bad khaii dewiong.
Ka BJYM, Meghalaya ka kyrpad jur ia baroh ki nongmihkhmat bad ka kynhun myntri ban shimkhia bad pynbeit noh kloi kloi ia kane ka jingeh kaba mih naka kam dewiong bad ban pynstet iaka Mining Policy naka bynta ka jingbha jong ki paidbah, ka imlang sahlang bad ka jylla hi baroh.
Ka BJYM ka kyrpad ruh iaka sorkar ba dei ban kem ia kiba don kti namar ka ain kam juh shah iano iano ruh ban shoh briew ne pyniap briew,wat lada don kino kino ki daw ne jingiapher jingmut ruh dei ban iaid da ka lynti jong ka ain ym daka jing ia umsnam.
Ka BJYM ka dawa ba dei ban ai jingsumar ei, ha ka juh ka por ka dawa ba dei ban thung ia ka Judicial Inquiry lane CBI ioh ka don ka jing ia suh buit ki Coal Mafia bad briew ka ain police ne politician ban pynshoi pynshit bad pynngop pat da ki riew paid bah ba lui lui.ong shuh shuh u bah Egenstar Kurkalang president BJYM Meghalaya.
