Shillong, Risaw 10: Mynnin mynmiet ha ka por kumba 11.00 myneit ki briew kiba la kah dur khmat kila leit ban rung ha Kupli Hostel jong ka North Eastern Hills University bad ha kane ka jingleit la kynnoh ba ki la shoh la dat ia ki dkhot jong ka Hynniewtrep Youth Council (HYC).
U bah Robertjune Kharjahrin haba thoh ha ka Whattapp Grup jong ka seng HYC, u la suba jur ba kine ki briew kiba don kumba shiphew ngut ei ei kila pynbam pisa ia ki nongap ba ki sah ioh rung hapoh Hostel, nalor katta ki nongap phara ha katei ka por kim shym la leh ei ei.
Na ka liang jong ki nongialam jong ka seng haba kila ioh ia kane ka jingtip ki la leit mar mar sha katei ka jaka bad na ka liang jong ki pulit ruh kila ia poi lang ha kane ka jaka ban tem ia kane ka jingiashoh hapoh Hostel.
U bah Robertjune president ka HYC u la ong ba mynta ka sngi ha ka por 12 baje shiteng sngi kin leit ban ia kynduh ia ka kong Claudia Lyngwa Superintendent jong ki pulit ba dei jong ka East Khasi Hills District ban ia kren halor katei ka jingjia.
