Ba shah siat  iap ki briew ha ki pulit Assam ha shnong Mukroh yn kynduh ia u Amit Shah: Conrad

Shillong, Naiwieng 22:  U myntri rangbah ka jylla u Conrad K Sangma u la iathuh ba ka kabinet la shim ia ka rai ba ha ka 24 tarik mynta u bnai kum ka kynhun myntri kan leit ban ia kynduh ia u mytnri kam poh iing ka sorkar pdeng bad ha kane ka jingiakynduh kin sa iathuh ia kane ka jingsiat pathar ki pulit Assam ha shnong Mukroh kaba hap hapoh West Jaintia Hills District.

Ha kane ka jingiakynduh na ka liang jong ka sorkar jylla kan dawa ba ia kane ka jingjia dei ban pah tohkit ha ki kynhun jong ka sorkar pdeng  da ka NIA lane ka CBI, da kaba buh jingmut ia kane ka jingjia kaba sngewsih baroh ki jingialang jong ka sorkar kynthup ia ka jingbuh mawnongrim yn pynsangeh haduh ka 30/11/2022.

La shim ia kane ka rai ka long kum ka dak ban burom ia kito ki mynsiem kiba la khlad noh, ia ki jngialang bad ki jingbuh mawnognrim yn sa pynbeit ha dein jong katei ka tarik, baroh ki jingtamasa yn pynsangeh noh kane ka long ban pynpaw ia ka jngsngewsih lang bad kito ki long iing kiba mat ia kane ka jingsngewsih.

Ha kane ka jingleit jong ki sha Delhi kin leit ban ia kynduh ia ka National Human Right Commission bad kin ai ia ka kaiphot sha ka NHRC, halor kane ka jingjia ka sorkar kan thung ia ka SIT ban tohkti ia kane ka jingjia bad u DIG jong ka Eastern Range un khlieh ia kane ka kynhun tohkit.

Nalor kane ka jignkyrpad kaba kin buh sha ka sorkar pdeng ban tohkit da ki kynhun ka sorkar pdeng, ha ka juh ka por ka SIT kan dang sdang ia ka jingtohkit, ha kano kano ka por ba ka sorkar pdeng kan thung ia ka kynhun tohkit, ka SIT kan aiti noh sha ki kynhun tohkit ba ka sorkar pdeng kan thung.

Ka sorkar kan thung ruh ia ka kynhun tohkit kaba long ka Judicial Inquiry ba kan peit ia kane ka jingjia kaba la jia. La shakai ka sngi naka liang jong u kum u myntri rangbah, u Symbut myntri rangbah bah Prestone Tynsong, mytnri ka tnad sam um u bah Reniktone L Tongkhar ba du mytnri ba dei peit ia ka tnad khyndew u bah Kyrmen Shylla kin leit sh katei ka jaka ha katei ka jingleit kin kynduh ia ki long iing ba ngat ha kane ka jingjia ba sngewsih bad ban ai ia ki jingiarap.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet