Shillong, Nailur 05: Ki kynhun seng bapher bapher kaba kynthup ia ka KSU, FKJGP, HYC, HNYF, Seng Samla Malki ha kawei ka Lama kaba ki Khot ka Sur Ehrngiew Ki NongMalki kin pynlong ia ka Peace Rally bad ka Candle light na ka bynta u bah Cheristefield Thangkhiew kaban long hapoh Madan Malki haka 7/9/21, por 2:00 baje noh phai sngi.
Ka Sur Ehrngiew ki Nong Malki ki iawer paidbah ban ia Kyrshan da kaba ia don ryngkat lem kum ka dak ka jingpyrshah ia ka jingshah pyniap lane dkhat jubor ia ka jingim jong u bah Cheristefield Thangkhiew ha iing sah jong u ha Mawlai.
Ka Sur Ehrngiew ki Nong Malki ka kyntu ia ki paidbah ban ai ka jingkyrshan ban donlang ban pyrta shla ban ioh noh ia ka jingbishar hok khnang ba nange shakhmat kan nym dei shuh ban shu shim lane pyniap jubor ia kano kano ka Mynsiem briew.
Ka Sur Ehrngiew ki Nong Malki ka kyntu ia ki briew ban ia poi lang ha ka tei ka sngi ba Ar, kane ka long katkum ka kyrwoh kaba la phah da ki nongialam ka Sur ki Nong Malki u bah Franky Kharumnuid, bah I. Mukhin, bah W. Lyngdoh bad u bah J Kharbuli.
