Shillong, Kyllalyngkot 25: Ba slem ka jingpynbna ia ki kyrteng ki kyrtong lynga ki nongkyrshan ka Congress bad ka BJP. Na ka liang jong ka seng Congress u bah Vincent dang shen u la dep ban ong ba kin pynbna lut ia ki kyrteng jong ki kyrtong shuwa ka 31 tarik mynta u bnai.
Katba na ka liang jong ka BJP dang ha kine ki sngi ka dang dep ban thaw ia ka State Election Committee jong ka party, ki thymmei khubor na ka BJP ki ong ba ka jingpynbna ia ki kyrtong kan long ha ka ar bynta.
Na ka liang jong ki nongkyrshan jong ka party Congress bun kila pynsngew ba ki don ha ka jinglynga ia kane ka jingpynslem khamtam ha kito ki jaka ba don ka jingiaknieh tiket, namar kim tip mano ban ioh ia ka party tiket.
Na ka liang kinongkyrshan ka BJP ruh kila pynsngew ia kane ka jingsngew lynga ka jong ki namar kim nang ban iaid sha khmat namar kim tip mano ban ioh tiket na ka party. Ki nongkyrshan jong kine ki ar tylli ki national party mynta ki don ha ka jinglynga.
