Shillong, K.Lyngkot 10: Na ka daw jong ka jingslem por ban mih ka Eroplane na Delhi mynta ka sngi u myntri ka tnad ka koit ka khiah ka jylla u James K Sangma yn ia kynduh ia ki nongtrei ka EMRI kiba dei jong ki Ambulance 108 la shai ka sngi ha ophis trei kam jong u.
Ki nongtrei ka EMRI ryngkat ki seng bhalang mynta ka sngi kila leit sha Secretariat ban ia kynduh ia u myntri ka tnad ka koit ka khiah u James K Sangma ha ka por 4.00 baje noh phai sngi ban ia kren halor ki jingeh kiba ki nongtrei ka EMRI ha kane ka jylla Meghalaya ki ia kynduh.
Ha kane ka jingleit ki nongialam jong ka EMRI kila shem ba u myntri um don ha ophis bad haba la kylli la pyntip sha kiba don ha Delhi namar ka jingslem ban mih ka Eroplane u mytnri ym shym la lah ban poi sha ophis ha ka por ba biang.
Na ka liang u bah Roykupar Rsawai u wei na ki nongialam jong ka kynhun ki nongtrei ka EMRI, la ong ba ka jingbym lah ban ia kynduh mynta ka sngi ka dei na ka jingslem ka eroplane ban wan na Delhi, la iathuh ba u myntri u la phah jingtip ba un ia kynduh la shai ka sngi por 10. 00 baje mynstep.
Ki nongtrei ka EMRI kila sangeh ia ka jingtrei kam jong ki naduh ka 4/01/2022 ban dawa na ka sorkar ba ka dei ban shimti noh ia ki nongtrei ka EMRI sha ka sorkar bad kane ka dei ban long naduh ka 1st Iaiong 2022, ka seng ka kwah ba ka sorkar ka dei ban pynkut noh ia ka jingai kontrak sha ka GVK ban pyniaid ia ka 108.
Ban shim ia ka rai la kin weng ne em ia kane ka jingsangeh treikam jong ki kan long ha dien ka jingiakynduh bad u myntri ka tnad ka koit ka khiah la shai ka sngi, kin sngap aiu ka orkar ka don ban kular ia ki la shai ka sngi, la ong u bah Raswai.
