Ba wan tham bor ki khar Bangla sha khappud ujor ka JSU sha u Amit Shah

Shillong, Rymphang 14: ka seng samla pule Jaintia Student Union kala phah da ka jignthoh sha u mytnri kam poh iing ka sorkar pdeng halor ka jingwan yhombor jong ki khar Bangladesh sha ki thain khappud ka jylla Meghalaya.

Ka JSU ha ka 13 tarik u bnai February 2020 ka seng Jaintia Students’ Union ka lah pynher shithi sha u Union Home Minister u Amit Shah ban shim khia ia ka jingrung kyrthlep ki riewsniew na Bangladesh na ki jaka khap pud Indo-Bangla boder na ki thain Dawki shaduh Muktapur bad ha ki thain Shella ,East Khasi Hills District kumjuh bad kane ka jungrung ki riewsniew na katei ka Ri ka buh ia ka jingbym shong shngaiñ shuh ha ki shnong khap pud baroh kawei .

U samla Treiborlang R Suchen ,President JSU (Shillong Circle) u ba dei ruh trai shnong na ki thain khap pud u lah ong ba ka jing rung ki khar Bangladesh kam dei tang ha kine ki bnai ba lah dep hynrei ka lah jia na ka por sha ka por.

Kine ki riewsniew na Bangladesh ki lah wan tur sha poh shnong,sha poh bri bad sha surok jan man la ka por bad ki rah ki wait bad ki tiar pynmynsaw kiba nep ban pom pathhar bad ban lute ia ki nongleit nongwan ha ki shnong khap pud kumba ngi lah ioh ban sakhi ha kine sngi kiba lah dep ha kylleng ki jaka khap pud Indo- Bangla.

U samla Treiborlang R Suchen u lah ong kum ka seng kaba peit ia ka bha ka miat bad ban wanrah ia ka jingshong suk shong sain ha ka imlang sahlang kam banse ban phah noh da ka shithi sha ka tnad Ministry of Home Affairs jong ka Sorkar India hadien ba ka seng ka iohi shibun ka jingduna ban wanrah ia jingshong suk shong sngaiñ ha ki jaka khap pud.

Ka seng JSU ka lah kyrpad bad dawa syndon na u Union Home Minister u Amit Shah ba ka sorkar India ka lah dei ban leh ei ei noh mardor ia kine ki jaka ba wan pyntriem da ki khar Bangla bad ban bthah ruh ia ki BSF ba kin long kiba kit khia ban ap pahara ha kine ki jaka ki bym pat ker sainar bad wan rah kham bun ki shipai BSF sha kine ki jaka na Dawki sha Muktapur bad kum juh ha shnong Shella kaba don ha ka thaiñ khap pud .

Ka seng ka lah dawa ruh na u myntri ka tnat kam poh ing ka sorkar India ,Amit Shah ba u dei ban buh noh da ki kynhun Special Border Unit ha ki jaka khap pud ban peit ban jngoh bad ban pahara na ka jing shim kabu ki khar Bangladesh ban rung tuh khamtam ba ka CAA ka lah long aiñ ha India bad ka jaka Meghalaya kadei kawei ka jylla kaban shah ktah na ki jingrung be aiñ ki khar Bangla namar ka dei jylla kaba don mar syndah bad ka Bangladesh.

Ka seng JSU ka lah dawa na u Amit Shah ba un bthah ia ki BSF ba kin pynrung kam ia ki khynnah samla na ki thaiñ khap pud ne ki trai shnong ba kin ioh rung kam ha ka BSF namar kane kan warah ia ka jingiadei kaba jan hapdeng ki BSF bad ki nong shong shnong khap pud .U samla Suchen u lah ong baroh shi katta bad haduh mynta ki shipai BSF bad ki nong shong shnong khap pud kim ia sngewthuh jingmut satia namar ka don ka jingduna ha ka ktien ka thylliej bad kane ka buh jingeh shuh shuh ia ki nong shong shnong.

Ka seng kam banse ban thoh sha ka tnat Ministry of Home Affairs jong ka sorkar India namar hadien ba ka seng ka lah dep ban kynduh ia ki myntri sorkar jylla lah iohi ba ka sorkar jylla kam lah ban wan rah ia ka jingshong suk shong shngaiñ kaba paka ha kine ki jaka bad lah shu buh da ki pulit shipor ban pahara bad kane ka jingleh ka sorkar ka iarap tang shi por (short term solution) bad na ka liang ka seng ka kwah ba kine ki kam pyntriem kadei ban sangeh noh mardor katba lah bad dei ruh ban shim da ka lynti kaba tyngeh (corrective measures) ban teh lah kam ia ka jingrung beaiñ ki khar Bangla.

Ka seng JSU ka lah pynrem ia ki shipai ap khap pud ka Bangladesh ki (Border Guard of Bangladesh) namar kidei maki kiba ai lad ia laki briew lajong ban rung be aiñ sha India bad lah ailad ia ki riew sniew na Bangla ban leh ia ki kam pyntriem ha ki shnong khap pud jong ka Meghalaya ia kane ka jingpynrem ia ki shipai BGB jong ka Bangladesh lah thoh ruh sha u Amit Shah ba un leh ei ei ia kane .

U samla Treiborlang R Suchen u lah ong ,ba ka seng ka kren shai ba kan ym shong thait bad kan ym sngap jar ia kane ka jingshem jingeh ki trai ri ki trai muluk jong ja jylla kiba shong ha khap pud bad ka seng kan ieng skhem ha ka nongrim ban ym ai lad ia ki Bangladeshi ban leh katba ki mon ia ki thaiñ khap pud bad ka seng ka dawa na ka por sha ka por.

 

What Next?

Recent Articles

Leave a Reply

Submit Comment

*