Shillong, Kyllalyngkot 17: Ka KSU west Jaintia hills district hapoh ka jingialam jong u president samla Laitphar syngkrem bad u Gen secretary samla Leningrad tariang ki lah iakynduh ia u Deputy commissioner ka west jaintia hills mynta ka sngi.
Kane ka jingleit kynduh ka long hadien ba ka Seng ka lah lap ba ka sorkar Assam kam kheiñ snep eiei ia ki jingiakren bad ka sorkar Meghalaya hadien ka jingjia ba sngewsih ha mukruh 22/11/2022.
Hynrei ka sorkar Assam kalah pynsted pynban ban tei ia ka office jong ka tnat forest jong ka kaba ka shna beaiñ ha mukroh da kaba tei ia ki kynroh pynheh ia ki office bad shna ia ka surok sha samatan.
Kaei kaba la pynbitar ka long ba ka sorkar Assam ka lah pynjulor ka ki lynty leit lyngkha ki paidbad da kaba tih da ki thliew bad pynur da ki diengbah hapdeng lynti, hlor kane u DC u lah ong ba ulah tip ia kane bad u la kular ban shim khia ban ia kynduh bad ka DC jong ka karbi Anglong kumjuh ruh bad u DIG jong ka karbi Anglong ha ka 27 Tarik mynta u bnai.
Ha katei ka jingiakynduh un iakren ia kiei kiei kiba jia ha kine ki sngi kiba lah dep bad ruh ban khanglad ia ka Assam ban nym wan pyndik ne tuklar shuh shapoh ka jylla, ka seng kan ap ia kane ka tarik ba kilah buh ban iakren hapdeng ka Assam bad Meghalaya.
Na ka liang jong ka KSU kala pynpaw ba lada ka jigniakren kam seisoh lada ka sorkar Assam kan iaibteng ban pyndik ia ki paid nongshong shnong jong ka bri hyññiew trep kiba shong basah sha ki thaiñ khappud blok 1 ka Seng kam bynse ban shim da kiwei pat ki lad ki lynti bad ka sorkar ka dei ban shim ia ka jingbah khlieh,kane ka dei ka kyrwoh na u General secretary ka KSU west Jaintia Hills District.
