Ba wit ki briew shimpor ka SDRF 7 kynta ban ot ia u Dieng bah ba khyllem na Raj Bhavan

The SDRF team clear the big tree at Raj Bhavan.Shillong, Nailar 13: Ka  State Disaster Response Force (SDRF) jong ka jylla Meghalaya ryngkat ka jingiatreilang jong ka  Meghalaya Civil Defence bad  Home Guards ha ka sngi jan miet sngi saitjain kila leit kloi lan ban iarap ia ki briew kiba la shah ban ha u dieng bah u ba la khyllem na iing sah u Lat.

Kane ka jingkhyllem jong u dieng na iing sah jong u Lat kala jia ha ka por 4.20 baje noh phai sngi, na ka ka liang jong ka SRDF kila trei shitom ban sei ia ki briew kiba mynsaw na ki lai tylli ki kali kamai kiba la shah ban ha kane ka jingkhyllem jong u dieng. Kane ka kynhun kaba 13 ngut kila pon ia une u dieng bah ban pynlait ia kane ka lynti bad kila lah ban pyndep haduh ka por 10.30 baje mynmiet.

Ha kane ka jingpynkhuid ia une u dieng bah na katei ka jaka ha ka miet sngi saitjain, ka la don ruh ka jingiatreilang na ka liang jong ki pulit pynlip ding, ki pulit, ki briew jong ka tnad khlawbad na ka liang jong ka PWD bad kane ka jingiatreilang kala pynlong ia ki ban lah ban pyndep bad pynkhuid ia kane ka jaka.

Na ka liang jong ka SDRF ka kyntu ia ki paidbah haba don kum kine ki jingjia kim dei ban ia tur sha jan namar ka pynwit ia ka jingtrei kam jong ki, namar ha ka jaka ba kin pynsted ia ka jingai jingiarap kila hap ban pynlut por ha kaba pynkynriah ia ki paidbah kiba wan ban ia lum lymbrum.

What Next?

Recent Articles

Leave a Reply

Submit Comment
*