Shillong, Jylliew 21: U Chief Executive Member jong ka KHADC u bah Titosstarwell Chyne la ong ba ka Executive Committee kala shim ia ka rai ban dain kuna ia u Chief Forest Officer bala u pynjah klep ia ka pisa kaba la kot sha ka T.5.3 lak bad nongap khlaw bala pynjah klep ia ka pisa T.37.3 lak tyngka.
Kane ka jingpynjah klep ia ka pisa hapoh ka tnad khlaw ka dei kaba la jia ha u snem 2013, haba ia dei bad kane ka Executive Committee kala shim ia ka rai ban dain kuno shilak shibnai ia u CFO bad ia u Nongap khlaw shiphew hajar shibnai bad ia kane ka pisa la khate na ka tulop, kane ka jingdain kuna kan logn haduh ba ka ophis kan da ioh lut ia katei ka pisa kaba kila pynjah klep na kitei ki ar ngut.
Halor ka jingkdew ha ka kaiphot jong ka CAG, u CEM u la ong ba kane ka dei na ka bynta jong u snem 2011 haduh 2013, katba ia ka jong u snem 2014 haduh 2018 ym pat phah ia ka kaiphot na ka ophis jong u CAG sha KHADC.
Halor ki jingkdew jong u CAG ba ka District Council kam shym la buh ryntih ia ki jingkhein jingdiah, ban pynbeit ia kane ka EC kala shim ia ka rai ba ki MDC ki dei ban pynlut shuwa na lade ia ka jingiarap katkum ba la buh bad kin sa ai ia ka jingkhein bad ka ophis kan sa siew ia ka pisa.Mynshuwa la ai shuwa ia ka pisa sha ki MDC hynrei kim shym ai ia ka jingkhien kane ka dei kawei na ka jinglap jong u CAG.
Ban pyniaid ryntih bad ban buh bha ia ki jingkhien jingdiah ka Executive Committee kala shim ia ka rai ban thung ia u “Chatter Accountant” un un shim jingkhien bad ban hikai ia ki ophisar jong ka KHADC ba kin buh jingkhien ia ka jingpynlut pynsep bad ki dei ban ai jingkhein man ka lai bnai.
Haba ia dei bad ka khuid ka suba jong ka ophis jong ka KHADC la shim ia ka ria ban pynkhuid ia ka ophis da baroh ki nongtrei ka ophis ha ka 24/6/2022, la ong ba ki don ki briew kiba wan na shabar ban set kali bad leh ia ki kam saitmet khamtam ha MDC Hostel.
