Shillong, Nohprah 20: U Deputy Commissioner jong ka East Jaintia Hills District, Khliehriat ban khanglad ia ka jignthang phlang kiba la pynjot ia ki lum ki wah ki khlaw ki betap u la pynjari ia ka 144 CrPC ha ki jaka khlaw, jaka phlang bad ki dewshrah na ka bynta ban pynneh pynsah ia ka mariang.
Na ka liang jong ka ophis jong u DC kala pynjari ia kane ka hukum namar ba la ioh jingtip ba kala don ka jingthang dusmon ia ki lum ki kwah, kane ka hukum kan trei kam mardor ha baroh kawei jong ka East Jiantia Hills District kat haduh ban da pynbna da kumwei pat.
Na ka liang jong u District Magistrate la bthah ruh ia ki paidbah jong ka District ba kino kino ki trai jaka pule kiba thang dieng ki dei ban da shna ia ki jaka ban iada na ka jingpur ka ding sha kiwei pat ki jaka khlaw ba ki jaka shrah.
