Shillong, Rymphang 04: Ka jingring light beain sha ki shnong nongkyndong da kaba shu bnoh da ki wire na ki ksainar eleltrik jong ka MeECL ka dang iai beteng haduh kine ki sngi bad kane ka jingioh lad jong ki briew ka long ba ki nongtrei jong ka MeECL kila khap rip iala ki jong ki khmat haba iohi.
Kane ka jingring light jong ki briew ha ka shnong Mawtngeng hapoh jong ka Ri Bhoi District, ka long tang kawei na ki shnong, hynrei kum kane ka jingring light ka long kylleng kylleng bad kala wanrah ia ka jingduh ia MeECL namar ba kine ki ba ring light ha kane ka rukom kim don kam siew ia ka bai light.
Da kaba ring light ha kane ka rukom ka pyntlop ruh ia ka bor ding eleltrik ha ka shnong ka thaw bad ka wan rah ruh ia ka jingmynsaw lada ka don kano kano ka jingbkla bad kaba lah ban lam ruh sha duh ka jingduh ei jong ki mynsiem briew. Ka jingkynnoh baroh ka leit sha ki nongtrei jong ka MeECL ba kumno kin iohi ia kane ka jingring light kaba long beain.
